Makikita ang karunungan sa ating buhay kung ginagamit natin lahat ng ating kakayahan at kaalaman para sa papuri sa Panginoon at upang tulungan ang iba na mapalapit sa Kanya.
The body content of your post goes here. To edit this text, click on it and delete this default text and start typing your own or paste your own from a different source.Maligayang Paggunita kay Santo Tomas de Aquino!
Isa siyang pari at pantas ng Simbahan. Siya rin ay kilala dahil sa kanyang karunungan. Maraming mga iskolar ang nag-aaral ng kanyang mga sinulat, lalo na ang “Summa Theologica.” Ang aklat na ito ay hindi nakumpleto ngunit maraming bagay patungkol sa pilosopiya at teolohiya ang tinuturo dito ni Santo Tomas de Aquino. Paano nga ba natin masasabi na tayo ay may karunungan? Ito ba ay sa dami lamang ng alam natin sa iba’t ibang paksa? Sa katotohanan, ang tunay na karunungan ay nagmumula sa Diyos. Makikita ang karunungan sa ating buhay kung ginagamit natin lahat ng ating kakayahan at kaalaman para sa papuri sa Panginoon at upang tulungan ang iba na mapalapit sa Kanya.
Para kay Santo Tomas de Aquino, hindi niya sinulat ang “Summa Theologica” dahil gusto niya maging sikat at kilala. Sa halip, ito ay upang tulungan ang mga tao na higit mapalalim ang kanilang pananampalataya at kaalaman pagdating sa ating pananampalataya. Bukod pa ito upang mabigyan ng kasagutan ang ilang atake laban sa Simbahang Katolika. Higit sa lahat, tayo ay inaanyayahan ng Diyos na isabuhay ang ating pananampalataya tulad ng halimbawa ni Santa Tomas de Aquino. Namumuhay na tayo sa panahon na ang mga batas na isinusulong ay taliwas sa pananampalataya at moralidad na itinuturo ng Bibliya. Maraming mga tao ang nagsasabi ng mali patungkol sa Simbahan. Nawa’y maging oportunidad ito upang aralin natin ang ating pananampalataya at maalala na sa pamamagitan ng malalim na debosyon sa Panginoon, dito natin matatanggap ang karunungan na sa Kanya nagmumula at hindi maibibigay ng mundo.
Santo Tomas de Aquino, ipanalangin mo kami.
