“KRISTONG HARI” | Dakilang Kapistahan ng Pagkahari ng Panginoong Hesukristo sa Sanlibutan (B)
Marga de Jesus | OLA Social Communications

Naroroon ang Kaharian ng Diyos kung saan naghahari ang Kanyang pag-ibig, hustisiya at kapayapaan.

Nobyembre 24, 2024


MABUTING BALITA
Juan 18, 33b-37


Ang Mabuting Balita ng Panginoon ayon kay San Juan


Noong panahong iyon, itinanong ni Pilato kay Hesus, “Ikaw ba ang Hari ng mga Judio?’ Sumagot si Hesus, “Iyan ba’y galing sa inyong sariling isipan, o may nagsabi sa inyo?” “Ako ba’y Judio?” tanong ni Pilato. “Ang mga kababayan mo at ang mga punong saserdote ang nagdala sa iyo rito. Ano ba ang ginawa mo?” Sumagot si Hesus, “Ang kaharian ko’y hindi sa sanlibutang ito. Kung sa sanlibutang ito ang aking kaharian, ipinakipaglaban sana ako ng aking mga tauhan at hindi naipagkanulo sa mga Judio. Ngunit hindi sa sanlibutang ito ang aking kaharian!” “Kung gayon, isa kang hari?” sabi ni Pilato. Sumagot si Hesus, “Kayo na ang nagsasabing ako’y hari. Ito ang dahilan kung bakit ako ipinanganak at naparito sa sanlibutan: upang magsalita tungkol sa katotohanan. Nakikinig sa aking tinig ang sinumang nasa katotohanan.”


Ang Mabuting Balita ng Panginoon.


Pagninilay:

“Ang kaharian ko’y hindi sa sanlibutang ito.” Ito ang isa sa mga katagang sinambit ni Hesus habang Siya’y tinatanong ni Pilato bago Siya mahatulan. Isa rin itong bagay na dapat nating tandaan. Una, ang Kaharian ng Diyos ay hindi isang pisikal na lugar dito sa lupa na matatagpuan sa isang perpektong siyudad o perpektong bansa dahil wala nito. Naroroon ang Kaharian ng Diyos kung saan naghahari ang Kanyang pag-ibig, hustisiya at kapayapaan. Ngunit narito ang ikalawa, ang katotohanan na maraming kahinaan at kasalanan ang tao kaya hindi laging sinusunod ang Diyos. Sa mga ganitong pagkakataon na ang masama ang tila nagwawagi, hindi doon magtatapos ang lahat sapagkat mayroong hustisya ang Diyos. Diyos pa rin ang magwawagi sa huli. Diyos ang Hari.


Mayroon pa tayong inaasahan sa susunod na buhay at hindi lamang dito sa mundo napapako ang ating buhay. Darating ang panahon ng paghuhusga na ang mga masasama ay hahatulan at ang mga mabubuti ay makakasama ng Diyos. Kailangan ng ating panalangin para ang mga tao ay magbago at kailangan din nating ihanda ang ating mga sarili sa darating na wakas ng ating buhay at sa pagtatapos ng mundo dahil mayroon tayong paghuhusgang daraanan. Suriin natin ang sarili. Ginawa kaya natin ang lahat ng ating makakaya upang ipalaganap ang paghahari ng Diyos? Ibig sabihin nito’y pagpapakain sa mga nagugutom, pagbibigay sa mga walang wala, pagtatanggol sa mga mahihina, pagmamahal sa kaaway at pagkikipagkasundo tuwing may pagkakabaha-bahagi? Bilang mga anak ng Diyos, ito’y ating responsibilidad na magagawa lamang natin sa tulong ng Diyos. Amen. +

Paggunita kay San Blas, Obispo at Martir | Pebrero 3

By KN Marcelo | OLA Social Communications • February 5, 2025
Gaya ni San Blas, huwag nawa tayong mag-alinlangang ipagtanggol ang ating pananampalataya. Huwag tayong matakot sa pangungutya o pag-uusig.

“PAG-AALAY SA DIYOS” | Kapistahan ng Pagdadala kay Hesus na Panginoon sa Templo

By Marga de Jesus | OLA Social Communications • February 5, 2025
Kapag binigay natin nang buo ang sarili at buhay sa Diyos upang ang plano Niya ang masunod, magkakaroon tayo ng kasiyahan, kapanatagan ng loob at kapayapaan na hindi natin matatagpuan makuha man natin ang lahat ng yaman sa mundo.

ANG KARUNUNGAN NI SANTO TOMAS DE AQUINO | Enero 28

By Chris Alphonsus J. Terence | OLA Social Communications • January 28, 2025
Makikita ang karunungan sa ating buhay kung ginagamit natin lahat ng ating kakayahan at kaalaman para sa papuri sa Panginoon at upang tulungan ang iba na mapalapit sa Kanya.

PAGGUNITA KAY SAN FRANCISCO DE SALES | Enero 24

By Marga de Jesus | OLA Social Communications • January 24, 2025
Si San Francisco ng Sales ay isang obispo at pantas ng Simbahan. Siya ay kilala bilang “the gentleman saint”.

ANG PANININDIGAN NI SAN SEBASTIAN | Enero 20

By Chris Alphonsus J. Terence | OLA Social Communications • January 20, 2025
Maaaring hindi natin nararanasan ang pagdurusa na naramdaman ng santo na ating ginugunita ngayon, ngunit tayo ba ay patuloy na naninindigan sa ating pananampalataya?

“PAGIGING ANAK NG DIYOS” | Kapistahan ng Panginoong Hesus, Ang Banal na Sanggol

By Marga de Jesus | OLA Social Communications • January 19, 2025
Malapit sa puso ng mga Pilipino ang debosyon sa Señor Sto. Niño. Sa wikang Ingles, ang ibig sabihin nito ay “Holy Child”. Ang “Holy Child” na ito ay walang iba kundi si Hesus.

ANG DEDIKASYON NI SAN ANTONIO | Enero 17

By Chris Alphonsus J. Terence | OLA Social Communications • January 17, 2025
Isa sa kanyang sikreto sa kabanalan ay ang pagdarasal sa Diyos sa maraming beses sa isang araw, lalo na oras ng temptasyon mula kay Satanas.

PAGGUNITA KAY SAN ARNOLD JANNSEN, PARI | Enero 15

By KN Marcelo | OLA Social Communications • January 15, 2025
Tuwing ika-15 ng Enero ay ginugunita ng Simbahan ang kabanalan ni San Arnold Jannsen. 

“PAGSISIMULA NI HESUS” | Kapistahan ng Pagbibinyag sa Panginoon (K)

By Marga de Jesus | OLA Social Communications • January 12, 2025
Ang pagbibinyag ni Juan Bautista kay Hesus ay hudyat ng simula ng pampublikong ministeryo ng ating Panginoon. Magsisimula na ang tatlong taon Niyang pamamalagi sa mundo upang magpagaling ng mga maysakit, magpalayas ng demonyo at mangaral ng Mabuting Balita.

KAPISTAHAN NG POONG JESUS NAZARENO | Enero 9

By KN Marcelo | OLA Social Communications • January 9, 2025
Nakikita ng mga tao ang kanilang paghihirap sa paghihirap ng Panginoon. Dahil sa Kanya, nararamdaman ng bawat deboto na mayroong Diyos na pwede nilang lapitan – Diyos na handang dumamay sa kanilang pinagdaraanan at nakaiintindi sa kanilang nararamdaman.
More Posts
Share by: